У адзінстве беларускага народа – аснова незалежнай краіны
Вельмі актуальнай была тэма першага ўрока 1 верасня 2021 года. Вучні 10 класа правялі яго ў форме інтэрвью. Пытанні і адказы былі змястоўнымі, на працягу ўсёй размовы адчувалася не толькі добрае веданне навучэнцамі гісторыі і традыцый беларускага народа, але і асабістыя адносіны кожнага да такой хвалюючай у наш час тэмы. Удзельнікі размовы прыйшлі ў чарговы раз да высновы, што ў нашай краіне на працягу многіх стагоддзяў разам жывуць прадстаўнікі розных нацыянальнасцей, рэлігій і культур, і ўсе валодаюць правам захоўваць сваю індывідуальнасць, жыць у міры. Адна з галоўных задач грамадзян нашай краіны – берагчы і абараняць багацце Беларусі, імкнуцца памнажаць яго. Умовай паспяховага развіцця краіны з’яўляецца адзінства народа. Людзі, падзеі і традыцыі – усё, што нас яднае.
