“І не знікаць паэтам вечна…”
10 снежня адбылося мерапрыемства пад назвай “І не знікаць паэтам вечна…”, прысвечанае 125-годдзю з дня нараджэння М.Багдановіча. Дзяўчынкі ў нацыянальных касцюмах з вяночкамі з васількоў вадзілі карагоды пад музыку песні “Слуцкія ткачыхі” на словы М.Багдановіча. Затым усклалі вяночкі да партрэта пісьменніка, гэтым услаўляючы яго памяць. Прыцягнула ўвагу кніжная выстава “І зорка гарыць, і не вяне вянок”. Зіхатлівая зорка паэзіі М.Багдановіча і праз цэлыя стагоддзі свеціць над роднай зямлёй усё ярчэй і ярчэй. У гэтым упэўніліся вучні нашай школы, якія прайшліся па цярністых жыццёвых сцежках паэта-класіка, паэта-мастака, паэта-пакутніка. Прысутныя з прыемнасцю акунуліся ў незабыўны духмяны водар Максімавага радка. З захапленнем праслухалі раманс “Зорка Венера”. У выкананні Вольгі Хшаноўскай цудоўна прагучала песня “Па-над белым пухам вішняў”.
