"Беларусь мая, родны край..." (да Дня Дзяржаўнай сімволікі Рэспублікі Беларусь)
13 мая вучні нашай школы сабраліся на ўрачыстую лінейку, прысвечаную Дню Дзяржаўнай сімволікі. Пад гукі Дзяржаўнага гімна права падняць сцяг было прадстаўлена вучням 4 класа, якіх прынялі ў рады Беларускай рэспубліканскай піянерскай арганізацыі. Выступаючы на лінейцы, вучні з любоўю ў сэрцы да сваёй Радзімы выказвалі словы падзякі да Бацькаўшчыны, да роднай зямлі. Гучалі песні "Беларусь мая, сінявокая" і "Белая Русь" у выкананні вучаніцы 10 класа Амялевіч Вікторыі і вучаніцы 11 класа Місюкевіч Ілоны. Слова таксама было прадстаўлена старшыні Першамайскага с/с Н.М. Сідлярэвіч, якая ў сваім выступленні дала наказ вучням любіць сваю Радзіму, шанаваць сваю спадчыну, імкнуцца да ўдасканалення сваёй асобы, захоўваць і памнажаць нацыянальныя і духоўныя багацці беларусаў. Пасля лінейкі адбыўся невялікі канцэрт, прысвечаны нашай Радзіме "Край, мой сінявокі, родны край" .
