Гульня – падарожжа, прысвечанае 500-годдзю кнігадрукавання
“Каб любіць Беларусь нашу мілую – трэба ў розных краях пабываць…” – такімі словамі з верша Алеся Ставера пачалася гульня – падарожжа ў нашай школе, прысвечанае 500-годдзю кнігадрукавання. Ад старажытнасці да сучаснасці падарожнічалі вучні, агучваючы імёны славутых людзей Бацькаўшчыны – Францыск Скарына, Сяміон Полацкі, Ефрасіння Полацкая, Васіль Цяпінскі, Якуб Колас і Янка Купала. З задавальненнем чыталі дзеці вершы і байкі беларускіх класікаў, расказвалі аб іх жыцці і творчасці. Убачылі мы на сцэне і герояў літаратурных твораў: пана Патоцкага і Бандароўну з паэмы “Бандароўна” Я.Купалы, сустрэчу старой удавы Тэклі і Лаўрука з апавядання З.Бядулі “На Каляды к сыну”, 10-гадовага Даніка Мальца, закаханага па-дзіцячаму ў сваю настаўніцу Пані Мар’ю з твора Я.Брыля “Сірочы хлеб”. У канцы падарожжа мы пачулі беларускія песні, аўтарамі слоў якіх былі беларускія паэты. З вялікай ахвотай удзельнікі падхаплялі знаёмыя словы. У канцы мерапрыемства ўсіх чакалі салодкія пачастункі.
