Мерпрыемствы, прысвечаныя Міжнароднаму дню роднай мовы
21 лютага вучні школы і настаўнікі сталі ўдзельнікамі мерпрыемстваў, прысвечаных Міжнароднаму дню роднай мовы.
Вучні 3-10 класаў прынялі ўдзел у конкурсе “Буслік-2019”.
Дзіцячыя “ЗаМовы” па матывах уласна беларускіх фразеалагізмаў стваралі вучні пачатковых класаў.
Падчас працы лінгвістычнай лабараторыі “Мова ў пытаннях і адказах” вучні 5-11 класаў шукалі адказы на займальныя і сур’ёзныя пытанні пра лексіку, граматыку, фанетыку роднай мовы.
На вуліцы Першамайска высадзіўся моўны дэсант “Народ і мова” з ліку вучняў 10 класа. Дзесяцікласнікі прапаноўвалі мясцовым жыхарам прачытаць на памяць творы класікаў беларускай літаратуры, растлумачыць сэнс фразеалагізмаў, перакласці словы з рускай мов ына беларускую.
Аб’яднала ўсіх акцыя “Запішы слова”, па ўмовах якой у агульную кнігу вучні і настаўнікі запісвалі словы, у складзе якіх ёсць Ў (словы не павінны былі паўтарацца).
