Літаратурна-музычная кампазіцыя у гонар Цёткі
5 верасня 2015 года напярэдадні XXII Дня беларускага пісьменства вучні і педагогі Першамайскай сярэдняй школы падрыхтавалі змястоўную літаратурна-музычную кампазіцыю у гонар Алаізы Пашкевіч (Цёткі). Мерапрыемства праходзіла на радзіме выдатнай пісьменніцы і паэтэсы у вёсцы Стары Двор. У гонар нашай славутай зямлячкі гучалі вершы на роднай мове, вучні пачатковых класаў падрыхтавалі казку Алаізы Пашкевіч “Курыца і пятух”, у выкананні настаўнікаў і дырэктара школы гучалі песні “Прывітальная” і “Зорачка мая”, была наладжана выстава, прысвечаная творчасці Цёткі. А вучаніца 11 класа Гудач Юлія у тагачасным убранні прачулымі радкамі паэтэсы “ажывіла” вобраз юнай Алаізы. Жывыя восеньскія кветкі леглі той раніцаю на магілу слаўнай дачкі Шчучыншчыны.
