Зноў верасень паклікаў у школу
2 верасня 10 шасцікласнікаў селі за парты ў сваёй роднай школе. пачатак новаму навучальнаму году паклаў першы ўрок "Занімай, Беларусь маладая мая, свой пачэсны пасад між народамі!" Гэтыя словы Янкі Купалы актуальныя для кожнага грамадзяніна нашай краіны. На ўроку вучні падзяліліся ўражаннямі і ўспамінамі ад экскурсій і паходаў па малой радзіме, узгадалі знакавыя для рэспублікі падзеі. Значнымі падзеямі, якія знайшлі адлюстраванне ў змесце першага ўрока, сталі 75-годдзе вызвалення Беларусі ад нямецка-фашысцкіх захопнікаў, 80-годдзе ўз’яднання Заходняй Беларусі з БССР, 25 гадоў існавання інстытута прэзідэнцтва ў нашай краіне, суверэнітэту і незалежнасці Беларусі, ІІ Еўрапейскія гульні, накіраваныя на аб’яднанне народаў Еўропы ў імя міру і стварэння на планеце.
