У паход на веласіпедах
"Які ж летні адпачынак без пахода?" - падумалі вучні і бацькі напярэдадні лета. Падумалі і вырашылі здзейсніць велапаход на возера Краскова, што ў заказніку "Котра". Наша ініцыятыва прыйшлася даспадобы і работнікам заказніка. Таму ў назначаны час усе зацікаўленыя (вучні, бацькі, настаўнікі. работнікі заказніка) стартавалі ад школы на веласіпедах па маршруце а.г. Першамайск-возера Краскова - а.г. Першамайск. Падчас падарожжа яго ўдзельнікі пабывалі на экалагічнай сцежцы, даведаліся пра раслінны і жывёльны свет заказніка, гісторыю самога возера. Разам з настаўнікам матэматыкі, былым спартсменам, Лянгнерам Валерыем Тадэвушавічам вучні ставілі палатку. Хлопчыкі не маглі ўстаяць перад спакусай парыбачыць на возеры. Пад кіраўніцтвам Місюкевіч Ірыны Іосіфаўны, мамы і выдатнай гаспадыні, дзяўчынкі гатавалі сапраўдную юшку.Адпачынак удаўся на славу. Ва ўсіх засталіся добрыя ўспаміны. За прадастаўленую магчымасць наведаць возера, за актыўнае садзеянне ў велапаходзе выражаем удзячнасць дырэктару заказніка "Котра" Люткевічу Тадэвушу Іосіфавічу.
